निर्मला पन्त प्रकरण राष्ट्रिय/अन्तर्राष्ट्रिय रूपमै छानबिन हुन्छ : प्रधानमन्त्री

निर्मला पन्त प्रकरण राष्ट्रिय/अन्तर्राष्ट्रिय रूपमै छानबिन हुन्छ : प्रधानमन्त्री

काठमाडौं । नेपाल कम्युनिस्ट पार्टीका अध्यक्ष एवम् प्रधानमन्त्री केपी शर्मा ओलीले निर्मला पन्त प्रकरणमा दोषी पत्ता लगाउन भइरहेको ढिलाइप्रति कमजोरी महसुस गरेका छन् ।

स्थायी कमिटी बैठकमा बलात्कार पश्चात हत्या गरिएकी कञ्चनपुरकी १३ वर्षीया किशोरी निर्मला प्रकरणमा सरकारको कमजोरीबारे सदस्यहरूले उठाएको प्रश्नको जवाफ दिँदै अध्यक्ष ओलीले दोषी पत्ता लगाउन कुनै कसर बाँकी नराखिने बताएका हुन् ।

“निर्मला पन्त प्रकरणमा भएका कमजोरी सरकारले महसुस गरेको छ । अपराधी पत्ता लगाउन भएको ढिलाइ प्रति प्रधानमन्त्रीको हिसाबले म गम्भीर पनि छु । राष्ट्रिय अन्तर्राष्ट्रिय रूपबाटै छानबिन गरेर भए पनि दोषी पत्ता लगाइ छाड्छौँ,” बिहीबारको बैठकमा उनले प्रतिवद्धता व्यक्त गरे ।

त्यस्तै प्रधानमन्त्री ओलीले वाइड बडी विमान खरिद प्रक्रियामा पनि कुनै त्रुटि, कमीकमजोरी रहेको पाइएमा दोषीले उन्मुक्ति नपाउने जिकिर गरे ।

“वाइड बडी विमान खरिद् प्रक्रियाका बारेमा उठेका प्रश्नका बारेमा सरकार जानकार छ,” उनले बैठकमा बोलेको कुरा एक सदस्यले उद्धृत गरे, “आवश्यक पर्‍यो भने छानबिन समिति बनाएर पनि सत्य तथ्य बाहिर ल्याउँछौँ ।”

त्यस्तै उनले भ्रष्टाचाराविरुद्ध शून्य सहनशीलतका बारेमा सदस्यहरूलाई शंका नगर्न पनि आग्रह गरेका थिए ।

“सरकार सबै प्रकारका भ्रष्टाचार, अनियमितता, बेथितिको अन्त्य गर्न चाहन्छ,” उनको जोड थियो ।

प्रतिकृया दिनुहोस

सम्बन्धित समाचार

निर्मला पन्तका बलात्कारी बालुवाटारकै संरक्षणमा : कोइराला 

स्याङ्जा । नेपाली कांग्रेसका केन्द्रीय सदस्य शेखर कोईरालाले सरकार सर्वसत्तावाद उन्मुख बनेको आरोप लगाएका छन् । सरकारले एक वर्षमा विकासका

निर्मला पन्तका बुवाले भने–प्रमाण मेटाउनेलाई उन्मुक्ति दिने वातावरण सिर्जना गर्ने गिरोह सक्रिय छ

भीमदत्तनगर । कञ्चनपुरको भीमदत्तनगरपालिका–२ का १३ वर्षीया निर्मला पन्तका बुबाआमाले लामो समयदेखि बस्दै आएको धर्ना कार्यक्रम स्थगन गरेका छन् ।

निर्मला पन्तको ‘भेजाइनल स्वाब’ लगायतका नमूनाहरु सिन्कोमा बेरिएको कपासबाट सङ्कलन गरिएको थियो 

काठमाडौं (रासस) । राष्ट्रिय मानव अधिकार आयोगद्वारा गठित विज्ञसहितको टोलीले निर्मला पन्तको बलात्कारपछि हत्या गरिएको सम्बन्धमा अनुसन्धान सम्पन्न गरी प्रतिवेदन

निर्मला पन्तको घरबाट कांग्रेस प्रवक्ता शर्माको चेतावनी– हत्यारा पत्ता नलगाए देशै ठप्प पार्छौं

कञ्चनपुर । प्रमुख प्रतिपक्षी दल नेपाली कांग्रेसका प्रवक्ता विश्वप्रकाश शर्माले सरकारले कञ्चनपुरकी बालिका निर्मला पन्तका बलात्कारीलाई पत्ता नलगाए मुलुक नै