काठमाडौं । चलचित्र ‘गरुड पुराण’को गीत सार्वजनिक गरिएको छ । ‘म त पिरिममा’ बोलको गीतमा कोसिस क्षेत्रीको संगीत रहेको छ । दिनेश राउतले गीत लेखेका हुन् । गीतमा कोसिस र मनिषा पोखरेलको आवाज छ ।

गीतको भिडियोमा निश्चल बस्नेत पनि देखिएका छन् । निर्माण पक्षले सार्वजनिक गरेको पहिलो गीतमा निश्चलसँगै कर्मा र नवनायिका प्रियंका सिंह ठकुरी फिचर्ड छिन् । गीतमा निश्चलको जोडीको रुपमा अन्जली योञ्जन देखिएकी छिन् । 

पारिवारिक प्रेमकथामा आधारित गरुड पुराणमा हास्य रस पनि रहेको निर्देशक सुबास कोइरालाले बताए ।