अमेरिका । अमेरिकाको मिसौरीमा धराप थापेर गोली हानी ३ प्रहरी अधिकृतको हत्या भएको छ । अन्य ३ जना घाइते भएका छन् । जुलाई ७ मा डलासमा ५ प्रहरीको गोली हानी हत्या गरिएपछि उच्च सुरक्षा सतर्कता अपनाइएको अवस्थामा यो काण्ड दोहोरिएको हो ।

लुजियाना राज्य प्रहरीले गएको सातामा ब्याटन रग प्रहरीविरुद्ध चेतावनी पाएको जनाएको थियो । प्रहरीले पीडितको पहिचान खुलाएको छैन । हत्या भएका मध्ये एकजनाको भने परिवारका सदस्यबाट पहिचान खुलेको छ । उनी प्रहरी अधिकृत मन्टरेल हुन् । अधिकारीहरू म्याथ्यू गेराल्ड र ब्राड गाराफोलाको पनि हत्या भएको छ ।

बन्दुकधारी पनि गम्भीर घाइते भएका छन् । अन्य घाइतेको अवस्था भने चिन्ताजनक नभएको अधिकारीहरूले बताएका छन् ।

जुलाई ५ मा प्रहरीद्वारा एल्टन स्टर्लिङको हत्या भएपछि आफू नराम्ररी प्रभावित भएको भन्दै ज्याक्सनले जुलाई ८ मा फेसबुकमा पोस्ट गरेका थिए ।