मस्को । रुसमा पछिल्ला केही दिनयता कोरोनाभाइरसका संक्रमितहरु बढ्न थालेका बताइएको छ । रुसमा शनिबार मात्रै १३ हजारभन्दा बढी कोरोना संक्रमित फेला परेका छन् । रुसमा गएको २४ घण्टामा यति धेरै संक्रमित भेटिएका हुन् ।
यससँगै रुसमा संक्रमितको संख्या करिब ५२ लाख पुगेको बताइएको छ । रुसका अधिकारीहरुले चार महिनापछि यति धेरै संक्रमित एकैदिन भेटिएका जनाएका छन् । रुसका स्वास्थ्यसम्बन्धी अधिकारीहरुले यही जुन २ तारिखदेखि रुसमा कोरोनाभाइरसका संक्रमितहरु थपिँदै गएका बताएका छन् ।
ती अधिकारीहरुले शनिबार मात्र यहाँ १३ हजार ५१० जना संक्रमित थपिएका र ती संक्रमितहरु गएको फेबु्रअरी महिनाको २ तारिखपछि अहिलेसम्मकै सबैभन्दा धेरै भएको पनि बताइएको छ । यहाँ गर्मीयामको सुरुवातामा मानिसहरु ठूलो संख्यमा जम्मा हुन थालेका र त्यसका कारण पछिल्लो समयमा कोरोनाका संक्रमितहरु पनि बढ्न थालेका पाइएको अधिकारीहरुले जनाएका छन् ।
यहाँ कोरोनाभाइरसका कारण एक लाख २६ हजारजनाभन्दा बढीले ज्यान गुमाएका छन् । पछिल्लो २४ घण्टामा मात्र यहाँका कम्तीमा ३९९ जनाको ज्यान गएको बताइएको छ । यहाँका अधिकारीहरुले रुसमा दोस्रो लहरको संक्रमण तीव्र रुपमा फैलिएको पनि बताएका छन् । रासस/सिन्ह्वा