वासिङ्टन । अमेरिकाको ओहायो राज्यमा प्रहरीले चलाएको गोली लागि एक अश्वेत युवतीको ज्यान गएको छ । मृतक १६ वर्षीया माखिया ब्रायन्ट रहेको ‘कोलम्बस डिसप्याच न्यूजपेपर’ले जनाएको छ ।
ओहायो राज्यको राजधानी कोलम्बसमा स्थानीय समयअनुसार मंगलबार अपराह्न्न ४ः४५ मा प्रहरी अधिकारीले चलाएको गोली लागेर ब्रायन्टको मृत्यु भएको हो ।
अफ्रिकी–अमेरिकी जर्ज फ्लोयडको मृत्युमा अदालतले पूर्वप्रहरी अधिकारीलाई दोषी ठहर गरेको २० मिनेटअघि मात्र यो घटना घटेको समाचारमा जनाइएको छ ।
सार्वजनिक भिडियोमा ब्रायन्टले एक व्यक्तिलाई धक्का दिएर लडाएपछि कारको छतमा रहेकी युवतीमाथि छुरा प्रहार गर्न खोज्छिन् । त्यसपछि ४ पटक गोली चलेको आवाज सुनिएको समाचारमा उल्लेख छ ।
प्रहरीले घटनाको विषयमा छानबिन सुरु गरेको जनाएको छ ।