काठमाडौं । आउँदो डेढ महिनामा विभिन्न आयोजना सम्पन्न भई थप ४५ मेगावाट बिजुली थप हुने भएको छ ।

यस्तै अर्को २ महिनामा १२ मेगावाट बिजुली थप हुने ऊर्जा मन्त्रालयका सचिव अनुपकुमार उपाध्यायले जानकारी दिए । हाल ५० मेगावाटको माथिल्लो मस्र्याङदी ए र ६ मेगावाटको दरौदी आयोजना सम्पन्न भइसकेको छ । यस्तै २५ मेगावाटको मादी ए आयोजनाको काम अन्तिम चरणमा पुगेको छ । सरकारले यो आर्थिक वर्षमा आन्तरिक उत्पादनबाट २ सय मेगावाट बिजुली थप गर्ने लक्ष्य लिएको छ ।

यस्तै विदेशी लगानीमा निर्माण हुने आयोजनाका प्रवद्र्धकसँग आयोजना विकास सम्झौता (पीडीए) हुने भएको उनले जानकारी दिए । अर्थ मन्त्रालयबाट सहमति प्राप्त भएकाले माथिल्लो त्रिशुली १ आयोजनाको प्रवद्र्धक कोरियाको कम्पनीसंग पीडीए अन्तिम चरणमा पुगेको छ ।