काठमाडौं । उत्पादनशील क्षेत्रतर्पm लगानी तथा निर्यात विस्तारमा समेत सहयोग पुर्याउने उद्देश्यले सहुलियत दरमा प्रदान गरिने पुनर्कर्जाको उपयोग बढेको छ । 

चालु आर्थिक वर्षको २ महिनामा झण्डै २ अर्ब रुपैयाँ पुनर्कर्जाको उपयोग भएको छ । जसअनुसार साधारण पुनर्कर्जा १ अर्ब ६१ करोड ५२ लाख र निर्यात कर्जा  ३७ करोड ४४ लाख गरी.१ अर्ब ९८ करोड ९६ लाख रुपैयाँ उपयोग भएको छ । अघिल्लो वर्षको सोही अवधिमा साधारणमा ६१ करोड ८० लाख र निर्याततर्फ ५ करोड ३० लाख गरी कुल ६७ करोड १० लाख रुपैयाँ मात्र उपयोग भएको थियो । भूकम्प पीडितलाई राहत प्रदान गर्न नेपाल राष्ट्र बैंकबाट शुन्य प्रतिशत ब्याजमा पुनर्कर्जा सुविधा उपलब्ध गराउने व्यवस्था अन्तर्गत गत भदौसम्म ११ करोड ७८ लाख कर्जा प्रवाह भएको राष्ट्र बैंकले जनाएको छ ।

वाणिज्य बैंकले उत्पादनशील क्षेत्रमा कुल कर्जाको २० प्रतिशत लगानी गर्नुपर्ने नीतिगत व्यवस्था अनुसार चालु आवको २ महिनमामा बैंकको यस्तो कर्जा अनुपात १६.६३ प्रतिशत पुगेको छ ।  अझै ३.५७ प्रतिशत लगानी गर्न बाँकी छ ।

नेपाल राष्ट्र बैंक ऐन संशोधन भई पुर्नकर्जा सुविधा ६ महिनाबाट बढाएर १ वर्ष पुर्याइएको छ ।