पोखरा । एसजेमोटोले हिमालयन जाभासँगको साझेदारीमा क्याफे र ग्यालरीको सुरुआत गरेको छ । उक्त क्याफे र ग्यालरीमा प्रिमियम बाइक राइडर्स र यात्रुहरूको लागि भेटघाट गर्ने रोमाञ्चक हबको रूपमा हुनेछ ।

पोखराको लेकसाइड रोडमा अवस्थित एसजे मोटो एक्स हिमालयन जाभा क्याफेले मोटरसाइकल र कफीप्रतिको प्रेम अनुभव गर्ने तरिकालाई पुनः परिभाषित गरेको कम्पनीको दाबी छ ।

उच्चस्तरीय बाइकिङ गियर र सामानहरूदेखि कफीसम्म पाइने भएपछि युवाहरूको लागि आकर्षक गन्तव्य हुने कम्पनीको विश्वास छ ।

“हामी दुवै संसारको उत्कृष्ट – मोटरसाइकलको रोमाञ्चक र कफी संस्कृतिको न्यानोपनलाई एक अद्वितीय ठाउँमा ल्याएर रोमाञ्चित छौँ । यात्रु र बाइकरहरूको लागि प्रमुख गन्तव्य भएको पोखरा यस नयाँ उद्यमको लागि आदर्श स्थान थियो,“ एसजे मोटोका संस्थापक सौरभ ज्योतिले भने । क्याफे अप्रिल ५ मा भव्य रूपमा उद्घाटन भएको थियो ।