site stats
बाह्रखरी :: Baahrakhari
देश
Global Ime bankGlobal Ime bank
बार एसोसिएसन निर्वाचनको मतदान सम्पन्न

काठमाडौं । नेपाल बार एसोसिएसनको २७औँ केन्द्रीय कार्यसमितिको निर्वाचनका लागि मतदान सम्पन्न भएको छ । बिहीबार बिहान ८ बजेदेखि सुरु भएको मतदान अपराह्न ४ बजे सम्पन्न भएको हो । 

नयाँ नेतृत्वका लागि अध्यक्षमा बृहत् लोकतान्त्रिक, प्रगतिशली, पेसागत, राष्ट्रवादी एवं समावेशी कानुन व्यवसायी समूहबाट वरिष्ठ अधिवक्ता प्रा डा विजयप्रसाद मिश्र र व्यावसायिक कानुन व्यवसायी समूहबाट वरिष्ठ अधिवक्ता रमणकुमार श्रेष्ठ प्रतिस्पर्धामा छन् । 

त्यस्तै, महासचिवमा प्रा.डा. मिश्रको समूहबाट वरिष्ठ अधिवक्ता केदारप्रसाद कोइराला र श्रेष्ठको समूहबाट अधिवक्ता यज्ञमणि न्यौपाने चुनावी मैदानमा छन् । 

नौ हजार नौ सय ५७ मतदाता रहेको निर्वाचनमा २५ जना पदका निम्ति ५७ जनाको उम्मेदवारी परेको प्रमुख निर्वाचन अधिकृत वरिष्ठ अधिवक्ता रामकृष्ण निरालाले जानकारी दिए । 

मतदानका लागि काठमाडौं र बाहिर गरी ३६ वटा केन्द्रको व्यवस्था गरिएको थियो । काठमाडौंको मतदान केन्द्र करिब ६ हजार मतदाता छन् ।

काठमाडौंको केन्द्रको मतदान सर्वोच्च अदालत परिसरमा सम्पन्न भएको हो । 

प्रकाशित मिति: शनिबार, चैत २३, २०८१  १८:०१
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro