काठमाडौं । नेपाल उद्योग परिसंघका अध्यक्ष राजेशकुमार अग्रवालले सरकारले गरेका सकारात्मक पहलका कारण अर्थतन्त्रमा केही सुधार आएको बताएका छन् । तर, बैंकमा पैसा थुप्रिएको र लगानीको अवस्था नरहेको हुँदा अझै सुधार आवश्यक रहेको उनले टिप्पणी गरे ।

शनिबार (चैत २३) काठमाडौंमा आयोजित ‘एनसेल बाह्रखरी गल्फ तथा आर्थिक परिसंवाद’ कार्यक्रममा उनले उत्पादन बढाउनतर्फ ध्यान दिनुपर्ने बताए ।

भारतमा कुनै वस्तुमा पाँच प्रतिशत कर लाग्ने र त्यसमै नेपालमा बढी कर लाग्दा तस्करी भइरहेको उनले बताए । अधिकांश आयातित वस्तुमा गुणस्तरको समस्या रहेको भन्दै उनले यसतर्फ ध्यान दिनुपर्नेमा जोड दिए ।