ढोरपाटन (बागलुङ) । बागलुङमा भिरबाट लडेर एकजनाको मृत्यु भएको छ । जिल्लाको तमानखोला गाउँपालिका–१, हिलका ५० वर्षीय इन्द्र घर्तीमगरको भिरबाट लडेर मृत्यु भएको हो ।

बिहीबार बारीमा घाँस काट्ने क्रममा लडेर गम्भीर घाइते भएका घर्तीमगरको हेलिकोप्टरमार्फत पोखरास्थित मणिपाल अस्पतालमा पुर्‍याइएको थियो । अस्पताल पुर्‍याएको केही समयमै घर्तीको मृत्यु भएको जिल्ला प्रहरी कार्यालय बागलुङका प्रहरी नायब उपरीक्षक विजय यादवले जानकारी दिए ।

घर्ती भिरबाट एक सय मिटर तल खसेका थिए । रासस