काठमाडौं । ई–बैंकिङ र व्यक्तिगत वित्तमा महिला सशक्तीकरणका निम्त्ति डिजिटल वित्तीयका आधारभूत र आवश्यक सीप र संसाधनहरूबारे अन्तरक्रिया गरिएको छ । वित्तीय स्रोतहरूमा पहुँच र व्यवस्थापनमा रहेका चुनौतीबारे चर्चा गरेको छ । 

करिब एकसय महिला उद्यमी सहभागी कार्यक्रममा ग्लोबल आइएमई बैँक र कामना सेवा विकास बैँकका प्रतिनिधिहरुले वित्तीय  साक्षरता, जागरुकता नेपालमा हाल अभ्यासमा रहेका बैँकिङ क्षेत्रका डिजिटल सेवा लगायतबारे जानकारी गराएका थिए ।

नेपाली  महिलाको वित्तीय समावेशीकरणमा वृद्धि भए पनि वित्तीय साक्षरता, डिजिटल बैंकिङ पहुँच र आर्थिक सहभागितामा अन्तर कायमै रहेकाले कार्यक्रममार्फत् त्यसलाई कम गर्ने प्रयास गरिएको नारी टिभीकी अध्यक्ष निकिता पौडेलले बताइन् । 

त्यस्तै कार्यक्रममा सहभागी महिलाहरुले  वित्तिय क्षेत्रमा भोगेका समस्याहरु राखेका थिए ।