काठमाडौं । कार्यवाहक प्रधानमन्त्री प्रकाशमान सिंहले बढ्दो वायु प्रदूषण कम गर्न सरकारले आवश्यक कार्य गर्ने बताएका छन् । 

बिहीबार सहरी विकास मन्त्रालयमा सरोकारवालालगायत विज्ञसँग छलफल गर्दै सिंहले वायु प्रदूषण बढ्दै गएकाले यसलाई न्यूनीकरण गर्न सरकारले आवश्यक कदम चाल्ने बताएका हुन् । उनले सरकारले अरू निकायसँग छलफल गरेर आवश्यक कदम चाल्ने बताए । 

बैठकमा वन मन्त्रालयमा प्रतिनिधिले अहिले वायु प्रदूषण निकै बढ्दै गएकाले जोर–बिजोर सवारी सञ्चालन गर्ने गरी सातामा दुई दिन बिदा दिनुपर्ने अवस्था आउन सक्ने जनाएका थिए । कार्यवाहक प्रधानमन्त्री सिंहले सबैको परामर्शमा छिटै आवश्यक निर्णयमा पुगिने उल्लेख गरे । 

छलफलमा सरोकारवालाले तत्काल वायु प्रदूषण कम गर्न सवारी साधनको चापलाई घटाउनुपर्ने सुझाव दिएका थिए । 

छलफलमा निर्माण व्यवसायी, यातायात व्यवसायीलगायत सरोकारवाला मन्त्रालयको उपस्थिति थियो ।