काठमाडौं । चलचित्र ‘कर्मा’को ट्रेलर सार्वजनिक भएको छ । ट्रेलरमा सिनेमाका मुख्य कलाकार विपीन कार्की, उपासना सिंह ठकुरी, मुकुन भुसाल, सरिता गिरीलगायतलाई देख्न सकिन्छ । 

ट्रेलरमा एक्सनलाई प्राथमिकता दिएको छ । ट्रेलरमा विपीनलाई पहिलोपटक आफ्नो कम्फर्ट जोनबाट बाहिर निस्किएर एक्सनमा उत्रिएको देखिएको छ । 

ट्रेलरमा भ्रष्ट समाजले एक निर्दोष युवकलाई परिबन्धमा पारेर कहाँसम्म पुर्‍याउँछ भन्ने देखाएको छ । एक परिवारसँगै निर्दयी समाजको कथा सिनेमाले भन्ने ट्रेलरले संकेत गरेको छ ।

‘कर्मा’मा विपीन, उपासना मुकुन र सरितासँगै दिब्यदेब पन्त, बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको अभिनय रहेको छ ।

सौरभ चौधरीले निर्देशन गरेको कर्मा’ चैत २९ गते रिलिज हुँदै छ । 

एक्सन जनरामा निर्माण भएको ‘कर्मा’ ड्रामा, सस्पेन्स र एक्सन जनरामा निर्माण भएको छ । सिनेमाको कथा निर्देशक चौधरी स्वयंले लेखेका छन् ।

आर्टिस्टिक इन्टरटेनमेन्टको प्रस्तुति रहने ‘कर्मा’मा वसन्त लम्सालको लगानी रहेको छ ।