वाग्मती । मकवानपुरको वाग्मती गाउँपालिका–८ स्थित भुवनचुली देउडी भञ्जाङबाट लडेर बुधबार एक युवकको मृत्यु भएको छ ।

देउडी भज्याङबाट करिब ५० मिटर मदनभण्डारी लोकमार्गको दायाँ साइडको नालामा लडेर हेटौँडा उपमहानगरपालिका–१६, चिसापानी निवासी ३८ वर्षीय मीलन दंगालको मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्यामु अर्यालले जानकारी दिए ।

मृतकको शव परीक्षणका लागि हेटौँडा अस्पतालमा राखिएको र घटना शंकास्पद देखिएकाले सोधपुछ तथा अनुसन्धानको लागि सातजनालाई नियन्त्रणमा लिई थप अनुसन्धान अघि बढाइएको प्रहरी नायब उपरीक्षक अर्यालले बताए । रासस