काठमाडौं । सहकारी तथा लघुवित्तपीडित फेरि सडक आन्दोलनमा उत्रिएका छन् । सरकारसँग भएको सहमति कार्यान्वयन नभएपछि सहकारी बचतकर्ता संरक्षण राष्ट्रिय अभियान महासंघको अनुवाइमा उनीहरूले काठमाडौंमा प्रदर्शन गरेका हुन् ।

विभिन्न जिल्लाबाट काठमाडौं आएका पीडितहरूले बिहीबार काठमाडौंको माइतीघरदेखि बानेश्वरसम्म प्रदर्शन गरे ।

सहकारी पीडित, लघुवित्त पीडित तथा मिटरब्याजपीडितसँग यसअघि सरकारले गरेको सहमति कार्यान्वयन नभएपछि आफूहरू आन्दोलनमा उत्रिएको महासंघका अध्यक्ष कुशलभ केसीले बताए । सरकारले पटकपटक सम्झौता गर्ने तर पीडितको समस्या समाधान नगर्ने गरेको गुनासो गरे ।

समस्या समाधानका लागि विभिन्न समिति बनाएर प्रतिवेदन बुझाइसके पनि कार्यान्वयनमा समस्या देखिएको महासंघको आरोप छ ।

प्रदर्शनकारीले लघुवित्त संस्था खारेज गर्नुपर्ने, सामूहिक ऋण मिनाहा गर्नुपर्ने, मिटरब्याजी तमसुक रद्द गर्नुपर्नेसहितका मा राखेका छन् ।