काठमाडौं । नायिका उपासना सिंह ठकुरीले आफूलाई एक्सन भूमिकामा काम गर्न मन लागेको बताएकी छन् । चलचित्र ‘कर्मा’को एक्सन हेरेर प्रभावित भएको भन्दै उनले आफूलाई पनि एक्सन भूमिकामा काम गर्ने रहर लागेको बताएकी हुन् । 

सेटमा कर्माको एक्सन सिन हेरेर आफू लोभिएको उनको भनाइ छ । ‘कर्मा’मा विपीन कार्की एक्सन भूमिकामा छन् । एक्सन गर्ने नायकको अपोजिटमा रहे पनि उपासना ‘कर्मा’मा एक्सन भूमिकामा छैनन् । 

“म कर्मामा एक्सन भूमिकामा छैन । तर, कर्मामामा जसरी एक्सन सिनमा काम भएको मैले देखेँ, मलाई निकै मनपर्‍यो,” उपासना भन्छिन्, “मैले आजसम्म एक्सन सिनेमा गरेको छैन । तर, अब काम गर्ने रहर छ ।” एक्सन भूमिकाका लागि अफर आए आफू काम गर्न तयार रहेको बताइन् । 

‘कर्मा’मा उपासना विपीनको अपोजिटमा छिन् । कर्मा र उपासनासँगै ‘कर्मा’मा मुकुन भुसाल, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको अभिनय रहेको छ ।

‘कर्मा’ आगामी चैत २९ गते रिलिज हुँदै छ । नेपाल र विदेशमा यो चलचित्र एकसाथ प्रदर्शन हुनेछ ।

एक्सन जनरामा निर्माण भएको ‘कर्मा’ ड्रामा, सस्पेन्स र एक्सन जनरामा निर्माण भएको छ । सिनेमाको कथा निर्देशक चौधरी स्वयंले लेखेका छन् ।

आर्टिस्टिक इनटरटेनमेन्टको प्रस्तुति रहेको ‘कर्मा’मा वसन्त लम्सालको लगानी छ ।