काठमाडौं । आधा घण्टाका लागि स्थगित भएर झन्डै चार घण्टापछि बसेको प्रतिनिधिसभाको दोस्रो बैठकमा पनि विपक्षी दलले अवरोध गरेका छन् ।

कुलमान घिसिङलाई नेपाल विद्युत् प्राधिकरणको कार्यकारी निर्देशकबाट हटाएको विषयमा प्रधानमन्त्रीको जवाफ माग्दै विपक्षी दलहरूले बैठकलाई अवरोध गरेका हुन् ।

बुधबार बिहान ११ बजेका लागि बोलाइएको बैठकमा पनि विपक्षी दलहरूले प्रधानमन्त्रीको जवाफ माग गरेपछि बैठक स्थगित भएको थियो । सूचना टाँग गरेर बैठक दिउँसो ३ बजेका लागि तय भएको थियो । सोही बैठकमा प्रतिपक्षी दलका सांसदहरूले उभिएर विरोध जनाएका हुन् ।