काठमाडौं । नेपालको चर्चितमध्येको एक मञ्जुश्री ट्रेल रेस (एमटीआर)को पाँचौँ संस्करणमा अर्जुन कुलुङ राई विजेता बनेका छन् । मञ्जुश्री ट्रेलको प्रमुख इभेन्ट १०० माइल दौड अर्जुनले २६ घण्टा २९ मिनेट २५ सेकेन्ड समय लगाएर सबैभन्दा चाँडै पार गरे । 

नेपालकै मिलन कुलुङ राईले दौड पूरा गर्न २८ः१५ः२५.३ सेकेन्ड समय लगाएर दोस्रो भए । शेर थारु २८ः४७ः०६.२ सेकेन्डसहित तेस्रो भए । विजेता अर्जुनले ७५ हजार, मिलनले ४० हजार र  शेरले २० हजार रुपैयाँ पुरस्कार पाए । 

१०० किमि दौडमा विशाल राई १३ः२९ः०४ सेकेन्ड समय लगाएर च्याम्पियन बने । उक्त इभेन्टमा गोपाल तामाङले १३ः३९ः०७ र निरोज भट्टले १४ः१२ः३५ सेकेन्डमा दौड पूरा गरेर दोस्रो र तेस्रो स्थान हासिल गरे ।

१०० किमि दौड महिलातर्फ नेपालकै रसिला तामाङ पहिलो भइन् । रसिलाले १७ः५८ः०५ सेकेन्डमा दौड सकाइन् । छोकी शेर्पाले १८ः१५ः०५ सेकेन्ड समय लगाएर दोस्रो भइन् । फ्लेर मोउतज्वले २०ः४३ः०५ सेकेन्ड समय लगाएर तेस्रो स्थान हासिल गरिन् ।

१०० किमि दौडमा शीर्ष तीन स्थानमा रहने धावकधाविकालाई क्रमशः ५० हजार, २५ हजार र १५ हजार रुपैयाँ प्रदान गरिएको थियो ।

५० किमि पुरुष दौडमा मानकुमार रोक्कामगर (०६ः४२ः२५ सेकेन्ड) पहिलोे, लोकेन्द्र राई (०६ः४६ः३८ सेकेन्ड) दोस्रो र धीरबहादुर बुढा (०६ः५९ः५९ सेकेन्ड) तेस्रो भए ।

५० किमि महिला दौडमा प्रिया राई पहिलो, कल्पना बुढा दोस्रो र राज्यलक्ष्मी रावल तेस्रो भए । प्रियाले निर्धारीत दूरी ०७ः४६ः०५ सेकेन्डमा पूरा गरिन् । कल्पनाले ०८ः१६ः०६ सेकेन्ड र राज्यलक्ष्मीले ०८ः४०ः५२ सेकेन्ड समय लगाए ।

यो स्पर्धामा शीर्ष तीन स्थानमा रहने धावकधाविकाले क्रमशः ३० हजार, १५ हजार र १० हजार रुपैयाँ पुरस्कार प्राप्त गरे ।

३० किमि दौडमा राजन मेयोङबा ३ः४३ः०३ सेकेन्ड समय लगाएर विजेता बने । युवकराज बुढा (४ः०३ः२२ सेकेन्ड) दोस्रो र अक्कल बढवाल (४ः३७ः०१ सेकेन्ड) तेस्रो भए ।

३० किमि महिलातर्फ अस्मी तामाङ ६ः३४ः०३ सेकेन्ड समयमा दौड पूरा गरी च्याम्पियन बनिन् । कथेरिना हल दोस्रो र रीन्छे दोला लामा तेस्रो भए । कथेरिनाले निर्धारित दूरी ०८ः२४ः०६ सेकेन्डमा पूरा गरिन् । रीन्छेले ०८ः५३ः०० सेकेन्ड समय लगाइन् ।

यो स्पर्धामा पहिलोदेखि तेस्रो हुने क्रमशः २० हजार, १० हजार र पाँच हजार रुपैयाँ पुरस्कारको हकदार बने । 

१० किमि पुरुषतर्फ नेपालका सुमन नापित र महिलातर्फ अमेरिकाकी बोराह लिम विजेता बने । सुमनले ५२ मिनेट ४२ सेकेन्डमा निर्धारित दूरी पूरा गरे । उदयबहादुर श्रेष्ठ ५३ मिनेट ३० सेकेन्डसहित दोस्रो र हरि तामाङ ५५ मिनेट ०२ सेकेन्डसहित तेस्रो भए । 

अमेरिकी लिमले १० किमि महिला इभेन्ट जित्न ५२ मिनेट ४० सेकेन्डमा दौड पूरा गरिन् । बेल्जियमकी जारा भान रेन्टरगे (एक घण्टा १६ मिनेट एक सेकेन्ड) दोस्रो र जर्मनीकी सामन्था नोउभेल (एक घण्टा १८ मिनेट ४० सेकेन्ड) तेस्रो भए ।