काठमाडौं । स्मार्टफोन एवं इलेक्ट्रोनिक्स उत्पादक कम्पनी अनरले मोबाइल वर्ल्ड कंग्रेस (डब्ल्यूएमसी–२०२५) मा आफ्नो महत्त्वाकांक्षी अनर अल्फा प्लान सार्वजनिक गरेको छ ।

यो नयाँ कर्पोरेट रणनीतिले अनरलाई स्मार्टफोन निर्मातामात्र नभई विश्वव्यापी एआई डिभाइस इकोसिस्टम कम्पनीका रूपमा रूपान्तरण गर्ने उद्देश्य राखेको कम्पनीले जनाएको छ ।

अनरका सीईओ जेम्स लीले कम्पनीले एआईक्रान्तिलाई आत्मसात् गर्ने बताएका छन् । यसअनुसार कम्पनीले १० अर्ब अमेरिकी डलरभन्दा बढी लगानी योजना घोषणा गरेको छ ।

कम्पनीले अनर म्याजिक सिरिजमा सात वर्षसम्म एन्ड्रोइड र सुरक्षा अपडेट दिने बताएको छ ।

उपभोक्ताका लागि विभिन्न किसिमका उपकरण उत्पादन गरिरहेको अनरले वर्ल्ड मोबाइल कंग्रेसमा ५० भन्दा बढी मिडिया अवार्ड जितेको छ । यसको अनर वाच ५ अल्ट्राले उत्कृष्ठ स्मार्टवाचको उपाधि पाएको छ ।