काठमाडौं । हुवावेले गण्डकी प्रदेशका विद्यालयमा 'पाइलट प्रोजेक्ट'का रूपमा डिजिटल अध्ययन उपकरणहरू उपलब्ध गराएको छ। वर्षाैंदेखि गण्डकी प्रदेशका दुर्गम गाउँका विद्यार्थीका लागि परम्परागत चकबोर्ड र नोटबुक मात्रै सिकाइको माध्यम थिए।

हुवावेले चकबोर्ड प्रयोग हुने कक्षाकोठा अब स्मार्ट कक्षाकोठामा परिणत भएको बताएको । यसले कुनै बेला शैक्षिक अभाण झेलेको पुस्ताका लागि नयाँ अवसरको ढोका खोलिदिएको कम्पनीको भनाइ छ ।

हुवावे नेपालले ग्रामीण क्षेत्रमा शैक्षिक सुधारका लागि स्मार्ट कक्षाकोठा पहल अघि सारेको छ । यसले टेक्नोलोजी इन्स्टल गर्नमात्रै नभएर दुर्गम क्षेत्रका विद्यार्थीलाई डिजिटल एजमा पहुँच दिने कम्पनीको विश्वास छ ।

हुवावे आइडियाहब, ल्यापटप, डेस्कटप, वाइफाइ पूर्वाधार र अन्य अत्याधुनिक सिकाइ उपकरणले कक्षाकोठाको स्तरोन्नति मात्र नभएर विद्यार्थीहरुलाई टेक्नोलोजि–ड्रिभन विश्वमा आफुलाई अब्बल बनाउने हुवावेले जनाएको छ ।

कुनैबेला चक(एन्ड(टक शिक्षण विधिमा भर पर्ने बालबालिकाहरूले अब अन्तरक्रियात्मक डिजिटल सकाइ सामग्री, रिमोट लर्निङको अवसर र डिजिटल उपकरणबाट हातमै कयौं जानकारी प्राप्त गर्नसक्छन् । यसले गाउँका विद्यार्थीहरुलाई वैश्विक ज्ञान र सिप समेत प्रदान गरिरहेको हुवावेले जनाएको छ ।

बालबालिकाका लागि यस किसिमको डिजिटल शिक्षा उज्ज्वल भविष्यतर्फको बाटो र विश्वव्यापी अर्थतन्त्रको माग अनुसार आफुलाई निमार्ण गर्ने अवसर हो । यसरी हुवावेको प्रविधिले विद्यार्थीहरुका लागि गाउँ र सहरबीचको भुगोल वा वित्तीय अवरोधलाई हटाएको छ ।

स्मार्ट क्लासरूम पहल अन्तर्गत हुवावेको योगदानले नेपालको डिजिटल नेपाल फ्रेमवर्कलाई प्रत्यक्ष रूपमा समेटेको छ । यसले ग्रामीण र दुर्गम क्षेत्रका मानिसहरू सहित सबैको लागि प्रविधि पहुँचयोग्य देश बनाउन योगदान गरेको कम्पनीको भनाइ छ ।

यो परियोजना प्रविधिको बारे मात्र नभएर युवाहरूलाई डिजिटल साक्षरता र आधुनिक संसारमा सफल हुन आवश्यक पर्ने स्रोतहरू प्रदान गर्नुपनि हो । समावेशी डिजिटल इकोसिस्टमलाई प्रवद्र्धन गर्दै हुवावेले भविष्यको लागि जग निर्माण गर्न मद्दत गरिरहेको छ ।

समाजमा सकारात्मक परिवर्तन ल्याउन हुवावेको सामाजिक उत्तर दायित्व र टेकफरगुड पहल महत्वपूर्ण उदाहरण भएको कम्पनीको भनाइ छ ।  हुवावेले नेपाललाई बलियो, दिगो डिजिटल पूर्वाधार निर्माण गर्न मद्दत गरिरहेको बताएको छ ।

स्थानीय समुदायसँग साझेदारी गरेर हुवावेले नेपाललाई पूर्ण डिजिटल राष्ट्र बन्ने यात्रामा सहयोग गर्दै युवाहरूका लागि परिवर्तनकारी अवसरसमेत सिर्जना गरिरहेको बताएको छ। यो पहलले नेपालमा नयाँ पुस्ताका लिडर, नवप्रवर्तकहरू र उद्यमीहरूको लागि जीवन परिवर्तन गर्ने अवसर सिर्जना गर्ने कम्पनीको विश्वास छ ।

गण्डकी प्रदेशमा हुवावेले गरिरहेको यो काम टेकफरगुडको महत्वपूर्ण उदाहरण भएको कम्पनीको भनाइ छ । यसबाट प्रविधिले जीवन परिवर्तन गर्ने, समुदायलाई रूपान्तरण गर्ने र अवसर सिर्जना गर्ने कुरालाई पुष्टि गरेको कम्पनीले जनाएको छ।

यो पहल नेपालका युवाहरूलाई डिजिटल शिक्षामार्फत सशक्त बनाउने र सबैका लागि दिगो, कनेक्टेड र समावेशी डिजिटल भविष्य निर्माण गर्नेतर्mको सुरुवात मात्र भएको हुवावेले जनाएको छ ।