काठमाडौं । चलचित्र ‘एक्टर : टेक वान’ आजबाट प्रदर्शनमा आउने भएको छ । अदालतमा मुद्दा दायर गर्ने ‘एक्टर’का निर्माताले मुद्दा फिर्ता लिने भएपछि आजबाट ‘एक्टर : टेक वान’ प्रदर्शनमा आउन लागेको हो । 

काठमाडौं जिल्ला अदालतमा दायर गरेको मुद्दा ‘एक्टर’का निर्माताले आज बिहान कार्यालय समय सुरु हुनबित्तिकै फिर्ता लिने भएका छन् । 

‘एक्टर’का निर्माता प्रतिलिपि अधिकार उल्लंघन भएको भन्दै अदालत पुगेपछि माघ १६ गतेबाट प्रदर्शन हुने भनिएको चलचित्र ‘एक्टर : टेक वान’को प्रदर्शन रोकिएको थियो । 

आज दिउँसोबाट रिलिज गर्नेगरी सिनेमा हलहरूले शो निकालेका छन् । 

‘एक्टर : टेक वान’लाई राजन भुसालले निर्देशन गरेका छन् । चलचित्रमा प्रदीप खड्का, राजबल्लभ कोइराला, दिब्या रायमाझी, आना शर्मालगायत कलाकारको अभिनय छ ।