काठमाडौं । एनएमबि बैंकले थप एक शाखा सञ्जाल विस्तार गरेको छ । कम्पनीले गत सोमबार रुकुमको आठबिसकोटमा आफ्नो २०२औँ शाखा उद्घाटन गरेको हो ।

आठबिसकोट नगरपालिकाका नगरप्रमुख रवि केसी र एनएमबि बैंकका नायब महाप्रमुख प्रमोद दाहालको उपस्थितिमा शाखा कार्यालय उद्घाटन गरिएको हो ।

नयाँ शाखाले आठबिसकोट क्षेत्रका स्थानीयलाई सहज, सुरक्षित र गुणस्तरीय वित्तीय सेवा प्रदान गर्ने अपेक्षा बैंकको छ । व्यक्तिगत ग्राहकहरू, व्यवसायीहरू र स्थानीय संस्थाहरूको आवश्यकता सम्बोधन गर्न यस शाखाले महत्त्वपूर्ण भूमिका खेल्ने बताइएको छ ।

एनएमबि बैंकले वित्तीय पहुँचलाई सहज बनाउन देशका विभिन्न भागमा आफ्ना शाखा स्थापना गर्दै आएको छ ।

एनएमबि बैंकले हाल देशभर २०२ शाखा कार्यालय, १८६ एटीएम र १० एक्स्टेन्सन काउन्टरमार्फत सेवा दिँदै आएको  छ ।