काठमाडौं । हमासले रेडक्रसका अधिकारीहरूमार्फत तीन इजरायली बन्धकलाई इजरायली सेना (आईडीएफ)लाई सुम्पेको छ । जहाँबाट उनीहरूलाई इजरायल लगिएको छ ।

"फर्केकाहरूलाई विशेष आईडीएफ इकाई र शिन बेट सुरक्षा बलहरूले इजरायलमा फिर्ता लैजाँदैछन्, जहाँ उनीहरूलाई प्रारम्भिक चिकित्सा मूल्यांकन गरिनेछ," इजरायली सेनाले भन्यो, "आईडीएफ कमान्डर र सैनिकहरूले इजरायल फर्केका मानिसहरूलाई अभिवादन र अँगालो हाल्छन् ।"

"तीन महिला बन्धकलाई आधिकारिक रूपमा पश्चिमी गाजा सहरको अल–रिमाल छिमेकको अल–सराया स्क्वायरमा रेडक्रसलाई सुम्पिएको छ," हमासका एक अधिकारीले एएफपी समाचार संस्थालाई बताए ।

युद्धविराम सम्झौताअन्तर्गत, इजरायलका तीन महिला बन्धकहरूलाई रिहा गर्ने भनिएको थियो । जसमा २४ वर्षीय रोमी गोनेन, २८ वर्षीया एमिली डमारी र ३१ वर्षीय डोरोन स्टेनब्रेचर रहेका छन् ।

यी तीन बन्धकको बदलामा, इजरायलले ९० प्यालेस्टिनी बन्दीहरूलाई रिहा गर्नेछ ।