काठमाडौं । चलचित्र ‘पिताम्बर’को एक्सनपूर्ण टिजर सार्वजनिक भएको छ । ‘यदा यदा ही धर्मस्य’ वाचनसँगै सुरु हुने टिजर एक्सनदृश्यले भरिपूर्ण छ । 

टिजरमा प्रदीप र सौगातको एक्सनलाई विशेष स्थान दिइएको छ । चलचित्रमा दुई पिताम्बर रहेको संकेत देखिएको छ । 

टिजरमा ठूलो क्यानभास देखिएको छ । क्यामेरा वर्क र कलरले टिजरलाई उकास्ने काम गरेका छन् ।  

केपी फिल्मस् र पुरुषोत्तम प्रधान फिल्मसको व्यानरमा निर्माण भएको चलचित्रमा प्रदीप खड्का, दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, गौरी मल्ल, रवीन्द्र झा, प्रमोद अग्रहरि, कामेश्वर चौरासिया, दिव्यदेव पन्त, सुपुष्पा भट्ट, दिव्या रायमाझीलगायत कलाकारको अभिनय छ । 

विशाल चौलागाईं निर्माता रहेको चलचित्रलाई कृषा चौलागाईंले निर्देशन गरेकी छन् । पुरुषोत्तम प्रधान, आध्य लामिछाने र आरोह चौलागाईं सह–निर्माता, सुमन गौतम कार्यकारी निर्माता, प्रदीप भारद्वाज र अभिमन्यु निरवीको पटकथा र संवाद छ । 

पुरुषोत्तम प्रधानको डीओपी, शेरबहादुर लामा र मानकृष्ण महर्जनको छायांकन छ । ‘पताम्बर’ नयाँवर्ष २०८२ को अवसर पारेर चैत २९ गते रिलिज हुनेछ ।