काठमाडौं । लुम्बिनी प्रदेश प्रहरीले नेपाल–भारत सीमा क्षेत्रबाट हुने अवैध चोरी पैठारी नियन्त्रणका लागि विशेष अपरेसन थालेको छ ।

भारतसित नाका जोडिएका तराईका बाँके, कपिलवस्तुलगायत जिल्लामा विशेष अप्रेसन थालिएको लुम्बिनी प्रदेश प्रहरी प्रमुख डीआईजी दानबहादुर कार्कीले जानकारी दिए ।

भारत हुँदै राजस्व नतिरी व्यावसायिक प्रयोजनका निम्ति विभिन्न सामग्री भित्रिने र नेपालबाट अवैध रूपमा बाहिरिन थालेपछि प्रहरीले जाँचमा कडाइ गरेको हो ।

पछिल्लो समयम बाँके र कपिलवस्तुबाट प्रहरीले अवैध रूपमा नेपाल भित्रिएको ठूलो परिमाणका विभिन्न सामग्री बरामद गरेको छ । त्यसबाहेक तस्करी गर्न लागिएका माछा र भैँसी समेत प्रहरीले नियन्त्रणमा लिएको छ ।