सान फ्रान्सिस्को । संयुक्त राज्य अमेरिकामा आँधीका कारण शुक्रबार तीन हजारभन्दा बढी उडान रद्द भएको छ ।

डेल्टा एयरलाइन्सले एटलान्टा अन्तर्राष्ट्रिय एयरपोर्टका सबै पाँच रनवे दुई घण्टाभन्दा बढी समयका निम्ति बन्द गरिएको जनाएको छ । डेल्टा विमानले पनि इन्जिनमा समस्या आएपछि एटलान्टामा उडान रद्द गर्नुपरेको थियो ।

डलास–फोर्ट वर्थ (टेक्सास) र शार्लोट डगलस (उत्तरी क्यारोलिना)मा पनि उडानहरू प्रतिकूल मौसमबाट प्रभावित भयो । फ्लाइटअवेयरका अनुसार, दुवै एयरपोर्टमा एक हजार २०० भन्दा बढी उडान रद्द गरियो ।

अमेरिका यो हप्ताको सुरुमा आँधीको चपेटामा परेको थियो । यहाँ कम्तीमा पाँचजनाको ज्यान गएको र सयौँ उडान रद्द भएको थियो ।

केही ठाउँमा तापक्रम शून्य डिग्री फरेनहाइट (–१८ डिग्री सेल्सियस)भन्दा तल झर्‍यो र हजारौँ मानिस बिजुलीविहीन भए । रासस/एएफपी