काठमाडौं । वेस्ट इन्डिजका पूर्वक्रिकेटर ब्रायन लारा नेपाल आउने भएका छन् । नेपाल क्रिकेट संघ (क्यान)का सचिव पारस खड्काले मंगलबार सामाजिक सञ्जालमार्फत वेस्ट इन्डिजका लारा नेपाल आउने जनाएका हुन् ।

क्यानका अनुसार लारा नेपाल प्रिमियर लिग (एनपीएल) हेर्न आउने भएका हुन् । यद्यपि, लारा कहिले आउँछन् भनेर खुलाइएको छैन ।

वेस्ट इन्डिजका चर्चित क्रिकेटर लारा टेस्ट क्रिकेटको एउटै इनिङमा ४०० रन बनाउने हालसम्मकै एक मात्र ब्याटर हुन् । उनले यो कीर्तिमान सन् २००३ मा इंग्ल्यान्डविरुद्धको टेस्ट क्रिकेटमा बनाएका थिए । उनले वेस्ट इन्डिजबाट १३१ टेस्टमा ३४ शतक र ४८ अर्धशतकसहित ११ हजार ९५३ रन प्रहार गरेका छन् ।

यस्तै, उनले २९९ एकदिवसीय अन्तर्राष्ट्रिय खेलमा १९ शतक र ६३ अर्धशतकसहितले १० हजार ४०५ रन रन बनाएका छन् ।