काठमाडौं । रौतहटको राजपुर नगरपालिका–६ वडाध्यक्षमा नेपाली कांग्रेसका समसे आलम निर्वाचित भएका छन् । आइतबार भएको उपनिर्वाचनमा नेकपा (माओवादी केन्द्र)का जिकरुलाहलाई २८१ मतले पराजित गर्दै उनी निर्वाचित भएका हुन् ।

निर्वाचित भएका आलमले ७४४ मत ल्याए । उनका निकटतम प्रतिद्वन्द्वी जिकरुलाहले ४६३ मत ल्याए ।

यस्तै, नेकपा (एमाले)का मोहम्मद नसिम अख्तरले ४३१ मत ल्याए । जनमत पार्टीका क्यामुदिन धुनियाले ४५ मत ल्याए ।