पेरिस । फ्रान्स र इजरायलबीच हुने नेसन्स लिगका लागि ठूलो संख्यामा प्रहरी परिचालन गर्ने तयारी गरिएको छ । बिहीबार फ्रान्समा हुने खेलका लागि सुरक्षा व्यवस्था बढाइएको हो ।

पेरिस प्रहरीले यस खेललाई उच्च जोखिमयुक्त भनेको छ । प्रहरीले रंगशाला वरिपरि, सार्वजनिक यातायात र पेरिसमा चार हजार पुरुष सैनिकलाई परिचालन गरिने जनाएको छ ।

राष्ट्रिय प्रहरीको एउटा विशिष्ट एकाइले पनि   इजरायली टोलीको सुरक्षा  गर्ने पेरिस प्रहरीको भनाइ छ ।

कार्यक्रमअघि र पछि कुनै पनि अव्यवस्थाप्रति शून्य सहनशीलताको नीति अपनाइने छ ।

गत हप्ता एम्स्टर्डममा भएको खेलपछि इजरायली फ्यानहरूमाथि आक्रमण भएको थियो । आक्रमणमा पाँचजना घाइते भएका थिए । दर्जनौँलाई गिरफ्तार गरिएको थियो ।

एपीबाट ।