काठमाडौं । यो वर्षको तिहारमा केही स्थानमा वर्षा र बदली हुने भएको छ । केही प्रदेशमा हल्का वर्षाको सम्भावना रहेको हो ।

“तिहारको चतुर्दशी (१५ गते), औँसी (१६ गते), प्रतिपदा ( १७ गते) र द्वितीया (१८ गते) कोसी, वाग्मती, गण्डकी र कर्णाली प्रदेशका पहाडी भू–भागमा आंशिकदेखि साधारणतया बदली रहनेछ,” जल तथा मौसम विज्ञान विभागले भनेको छ, “थोरै स्थानहरूमा मेघगर्जन र चट्याङसहित हल्का वर्षाको सम्भावना छ ।” 

बाँकी भू–भागमा मौसम मूख्यतया सफा रहने विभागको भनाइ छ । उच्च पहाडी तथा हिमाली भू–भागका थोरै स्थानमा हल्का हिमपातको सम्भावना रहेको विभागले जानकारी दिएको छ । 

उच्च पहाडी र हिमाली भू–भागका अधिकांश स्थानमा अधिकतम तथा न्यूनतम तापक्रम घट्दो क्रममा रहने सम्भावना रहेको विभागले बताएको छ ।