राजनीति
काठमाडौं । राष्ट्रिय स्वतन्त्र पार्टीले काठमाडौं केन्द्रित आन्दोलन थालेको छ । सभापति रवि लामिछानेलाई सहकारी ठगी आरोपमा कात्तिक २ गते प्रहरीले पक्राउ गरेको थियो ।
लामिछाने पक्राउपछि पोखरा केन्द्रित आन्दोलन गरेको रास्वपाले काठमाडौंमा आन्दोलन सुरु गरेको छ । माइतीघर मण्डलामा भइरहेको जुलुसमा रविका पक्षमा नारावाजी भइरहेको छ ।
आन्दोलनकारीले नारावाजीमा भनेका छन्, “हाम्रो रवि हाम्रो देश, प्राणभन्दा प्यारो छ, आकाश हेर निलो छ, हाम्रो रवि हिरो छ ।” उनीहरूले रवि लामिछाने सहकारी ठगीमा निर्दोष रहेको भनेर संसदीय समितिले भनेको भन्दै सरकारले पक्राउ गरेर फसाउने षडयन्त्र गरेको आरोप लगाएका छन् ।
तस्बिर : हरिशजंग क्षेत्री ।
प्रकाशित मिति: शुक्रबार, कात्तिक ९, २०८१ १४:२९
प्रतिक्रिया दिनुहोस्