site stats
बाह्रखरी :: Baahrakhari
देश
Global Ime bankGlobal Ime bank
जुवातास खेलिरहेको अवस्थामा फरकफरक ठाउँबाट ३९ जना पक्राउ

काठमाडौं । प्रहरीले देशका विभिन्न स्थानमा जुवातास खेलिरहेको अवस्थामा ३९ जनालाई पक्राउ गरेको छ ।

काठमाडौंको टोखा नगरपालिका–३ धनेश्वर डेरा गरी बस्ने नुवाकोट म्यागङ गाउँपालिका–९ घर भएकी ४४ वर्षीया फूलमाया तामाङको कोठामा जुवातास खेलिरहेको अवस्थामा फूलमायासहित नौ जनालाई सोमबार साँझ पक्राउ गरिएको हो । प्रहरी प्रभाग गोंगबुबाट खटिएको प्रहरीले उनीहरूलाई नगद ७० हजार रुपैयाँ र चार बुक ताससहित पक्राउ गरेको हो ।

यस्तै, दाङको घोराही उपमहानगरपालिका–१५ उषाटोल बस्ने ६० वर्षीय शरद लामिछानेको घरमा जुवातास खेलिरहेको अवस्थामा लामिछानेसहित १० जनालाई सोमबार दिउँसो पक्राउ गरिएको हो । जिल्ला प्रहरी कार्यालय दाङबाट खटिएको प्रहरीले उनीहरूलाई नगद ७० हजार ६६० रुपैयाँ र चार बुक ताससहित पक्राउ गरेको हो ।

यसैगरी, बाँकेको राप्तिसोनारी गाउँपालिका–६ लक्ष्मिराजपुरबाट जुवातास खेलिरहेको अवस्थामा नेपालगन्ज उपमहानगरपालिका–६ बस्ने ४१ वर्षीय मेघनाथ कुचबन्दियासहित २० जनालाई मंगलबार बिहान पक्राउ गरिएको छ । जिल्ला प्रहरी कार्यालय बाँकेबाट खटिएको प्रहरीले उनीहरूलाई नगद तीन लाख ९१ हजार रुपैयाँ र १४ बुक ताससहित पक्राउ गरेको हो । 

प्रकाशित मिति: मंगलबार, कात्तिक ६, २०८१  १३:११
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro