काठमाडौं । जलवायु परिवर्तनको चुनौतीलाई सम्बोधन गर्न ‘क्लाइमेट फ्युचर्स’ कार्यक्रम सुरु गरिएको छ ।  

ब्रिटिस काउन्सिलले जलवायु क्षेत्रका कार्यलाई बढावा दिने उद्देश्यले ‘क्लाइमेट फ्युचर्स’ कार्यक्रम सुरु गरेको हो ।

‘द क्लाइमेट फ्युचर्सः साउथ एसिया’ नयाँ परियोजनामार्फत जलवायु परिवर्तनलाई सम्बोधन गर्ने जनाएको छ । कार्यक्रमलाई कला क्षेत्रमा सहयोग प्रदान गर्न डिजाइन गरिएको काउन्सिलले जनाएको छ ।

कार्यक्रममा कलाकार र सांस्कृतिक संस्थाहरूलाई करिब २६ लाख २५ हजार (१५ हजार बेलायती पाउन्ड) रुपैयाँ अनुदान उपलब्ध हुने काउन्सिलले जनाएको छ ।

कार्यक्रममा २५ नोभेम्बरसम्म ब्रिटिस काउन्सिलको वेबसाइटमार्फत आवेदन दिन सकिने छ ।