काठमाडौं । स्वयम्भू इन्टरनेशनल कलेज र बिग इन्डस्ट्रीज लिमिटेडबीच विद्यार्थीलाई इन्र्टन उपलब्ध गराउनेबारे सम्झौता भएको छ ।

स्वयम्भू इन्टरनेशनल कलेज र ललितपुरको लगनखेलले त्रिभुवन विश्वविद्यालयबाट सम्बन्धन प्राप्त गरी बीबीएस, बीसीए तथा एमबीएस कार्यक्रम सञ्चालन गर्दै आएको छ । व्यवस्थापन र सूचना प्रविधि शिक्षाको क्षेत्रमा उत्कृष्ट नतिजा हासिल गर्दै आइरहेको बताउने कलेज प्राइम सीएसँग आबद्ध छ ।

प्रभावकारी सिकाइसँगसँगै आयआर्जन गर्ने विशेष शिक्षा अवधारणाअन्तर्गत सैद्धान्तिक ज्ञानलाई व्यवहारिक ज्ञानसँग जोड्ने क्रममा बिजनेस ग्रुप अफ इन्डस्ट्रीज लिमिटेड (बिग इन्डस्ट्रीज लिमिटेड), रानीबारी, काठमाडौंसँग सम्झौता गरेको कलेजले जनाएको छ । यससँगै कम्पनीका व्यावसायिक गतिविधि सञ्चालन हुने ठाउँमा यस कलेजका विद्यार्थी तथा विद्यार्थीहरूलाई प्रशिक्षार्थी भएर काम गर्न पाउने भएका छन् ।

दुवै पक्षबीच सम्झौता पत्रमा यसै असोज १७ गते घटस्थापनाको दिनमा हस्ताक्षर भएको छ । कलेले यसअघि पनि विभिन्न औद्योगिक, व्यापारिक, बैंकिङ, वित्तीय, बिमा र सूचना प्रविधिसँग सम्बन्धित व्यावसायिक संस्थाहरूसँग इन्टर्नको लागि सम्झौता गर्दै आएको बताएको छ । बिग इन्डस्ट्रीज लिमिटेडले नेपालको उत्पादन, व्यापार र बजारीकरणलाई सबल बनाउँदै देशलाई आत्मनिर्भर बनाउने अभियानमा जुटेको दाबी गरेको छ ।