काठमाडौं । देशका धेरै स्थानमा भारी वर्षा भइरहेको छ । भारी वर्षा हुँदा धेरै नदी तथा खोलामा जलसतह बढेको छ । 

पछिल्लो २४ घण्टामा १०१ वर्षामापन केन्द्रमा जलसतहले सतर्कता तह पार गरेको छ । 

“बिहान ६ः२० को मापनअनुसार देशभरका हाल सञ्चालित २६९ स्वचालित केन्द्रहरू मध्ये १०१ केन्द्रहरूमा सतर्कता तहभन्दा बढी वर्षा भएको छ,” जल तथा मौसम विज्ञान विभागले भनेको छ । 

विभागले एक घण्टामा ६०, तीन घण्टामा ८०, ६ घण्टामा १००, १२ घण्टामा १२० र २४ घण्टामा १४० मिलिमिटरभन्दा बढी वर्षा भएमा बाढी तथा पहिरोका लागि अलर्ट जारी गर्दै आएको छ । 

• देशका अधिकांश स्थानमा बिहानैदेखि वर्षा, यी भू–भागमा हुनेछ आज भारीदेखि अति भारी वर्षा 

अहिले पनि भारी वर्षा भइरहेको र दिउँसो पनि भारीदेखि अति भारी वर्षाको सम्भावना रहेकाले सुरक्षित स्थानमा रहन विभागले आग्रह गरेको छ ।