site stats
बाह्रखरी :: Baahrakhari
राजनीति
Global Ime bankGlobal Ime bank
अझै सुरु भएन अनेरास्ववियु (क्रान्तिकारी)को बन्दसत्र

काठमाडौं । अनेरास्ववियु (क्रान्तिकारी)को राष्ट्रिय सम्मेलन अन्तर्गतको बन्दसत्र अझै सुरु हुन सकेको छैन । बिहान ८ बजेबाट सुरु हुने भनिएको बन्दसत्रको समय ११ बजेका लागि सारिएको थियो । तर, बन्दसत्र दिउँसो २ बजेसम्म सुरु भइसकेको छैन । 

लगातार भइरहेको वर्षाले बन्दसत्रमा केही मात्रामा प्रभावित गरेको छ । केही प्रतिनिधिहरु आइपुग्न बाँकी छ । तयारीका लागि अनौपचारिक छलफल भइरहेकाले बन्द सत्र सुरु हुन ढिलाइ भएको उपाध्यक्ष तथा प्रवक्ता जिपी मैनालीले जानकारी दिए ।
 
“पानीले पनि प्रभावित पारेको हो,” उनले भने, “तयारीका लागि अनौपचारिक छलफल गरिरहेका छौँ ।” आज विधान प्रतिवेदन प्रस्तुत र छलपल गर्ने तयारी छ । 

उद्घाटनसत्रको पार्टी अध्यक्ष पुष्पकमल दाहाल ‘प्रचण्ड’ले बिहीबार उद्घाटन गरेका थिए । 

नेतृत्वका आकांक्षीको लर्को 
नेतृत्वका लागि आकांक्षीहरूको लर्को लागेको छ । हालका १९ उपाध्यक्षमध्ये एकजना अमेरिकामा छन् । बाँकी १८ र एक  महासचिव अध्यक्षका दाबेदार हुन् । 

उपाध्यक्षहरू पवन कार्की, इन्द्र भुसाल, जिपी मैनाली, नारायण खनाल, क्षितिज सापकोटा, मदन भट्टराई, मदन भूल, अमरजंग शाही, तुकमान महरा, केशव रावल, नरेश रेग्मीलगायत आकांक्षी छन् । 

महासचिव दिपेश पुनले पनि अध्यक्षको दाबी गरेका छन् । उनीमाथि सुन तस्करी र सहकारी ठगीको आरोप छ ।

आकांक्षीमध्ये केहीलाई पार्टीका पदाधिकारीको साथ छ । स्रोतका अनुसार पुनलाई उपमहासचिव वर्षमान पुनको साथ छ । त्यसबाहेक भुसाल र रावल वर्षमान पक्षका हुन् । 

पवन कार्कीलाई वरिष्ठ उपाध्यक्ष बनाउन नारायणकाजी श्रेष्ठको साथ छ । पञ्चासिंह अध्यक्ष भएका बेला उनले समानान्तर कमिटी सञ्चालन गरेका थिए ।  

अर्का उपमहासचिव जनार्दन शर्मा पक्षका भूल, खनाल, सापकोटा, भट्टराई, शाहीलगायत छन् । त्यसमध्ये भूल वा भट्टराईलाई जनार्दनको साथ रहने आँकलन नेताहरूको छ ।
  
रेग्मी भने महासचिव देव गुरुङ निकट मानिन्छन् । उपमहासचिव शक्ति बस्नेतले महरालाई साथ दिने नेताहरूको भनाइ छ । 

पार्टी अध्यक्ष प्रचण्डले भने कसैप्रति संकेत गरिसकेका छैनन् । केही नेताहरू हेडक्वाटरकै उमेदवार बन्ने लविङमा छन् । हालका उपाध्यक्ष तथा प्रवक्ता मैनालीलगायत त्यसको तयारमा रहेको बताइन्छ ।

उनले आफू अध्यक्षको स्वभाविक उमेदवार रहेको बताए । केन्द्रीय समितिमा नै रहेर १६ वर्ष काम गरिसकेकाले आफू अध्यक्ष बन्नुपर्ने उनको भनाइ छ । 

पार्टी अध्यक्ष प्रचण्डले सहमतिको प्रयास नभए चुनाव गर्न भनिसकेका छन् । उद्घाटन सत्रमा उनले गुटबन्दी नगर्न आग्रह गर्र्दै विद्यार्थी नेताहरूले आग्रह गरे मात्रै पार्टीले भूमिका खेल्ने बताएका छन् । 

२१ औं राष्ट्रिय सम्मेलनमा निर्वाचन भएको थियो । रञ्जित तामाङ अध्यक्ष चुनिएका थिए । त्यसपछि पञ्चा तामाङ अध्यक्ष बनिन् । त्यतिबेला चुनाव भएन । अहिले भने चुनाव नै हुनुपर्ने पक्षमा उनीहरू छन् । 


 

प्रकाशित मिति: शुक्रबार, असोज ११, २०८१  १४:२३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro