काठमाडौं । बलिउड सिनेमा ‘स्त्री–२’ भारतमा सर्वाधिक नेटकलेक्सन गर्ने चलचित्र बनेको छ । एक महिनाअगाडि रिलिज भएको यो चलचित्रले ६०४.२२ करोड भारतीय रुपैयाँ नेटकलेक्सन गरेको छ । 

पहिलो हप्ता ३०७.८० करोड, दोस्रो साता १४५.८०, तेस्रो हप्ता ७२.८३ करोड कलेक्सन गरेको थियो । चौथो साता ३७.७५ करोड, पाँचौं साता २५.७२ र छटौँ हप्ताको विकेन्डसम्म १४.३२ करोड ग्रसकलेक्सन गरेको बलिउड सिनेमाका ट्रेड एनलाइसिस्ट तरण आदर्शले जनाएका छन् । 

राजकुमार राव र श्रद्धा कपुर अभिनीत ‘स्त्री–२’ भारतमा सर्वाधिक कमाइ गर्ने हिन्दी सिनेमा बनको हो । तरणले एकपछि अर्को दिन र एकपछि अर्को हप्ता नयाँनयाँ रेकर्ड बनाउँदै भारतमा ‘स्त्री–२’ले ऐतिहासिक नेटकलेक्सन गरेको बताएका छन् । 

‘हरर–कमेडी’ सिनेमा ‘स्त्री–२’ले साहरूख खान अभिनीत ‘जवान’लाई पनि उछिन्दै नयाँ रेकर्ड बनाएको हो । 

‘स्त्री–२’मा राजकुमार र श्रद्धासँगै पंकज त्रिपाठी, अभिषेक बनर्जी मुख्य भूमिकामा छन् । यो सिनेमा करिब ६० करोड भारूमा बनेको भारतीय सञ्चारमाध्यमले जनाएका छन् ।