विराटनगर । ‘हिंसा’ शब्द अवाञ्छित ढंगले प्रतिनिधिसभामा एमालेले उछालेको नेकपा (माओवादी केन्द्र)ले आरोप लगाएको छ । संघीय सरकार माफिया र दलाल नोकरसाहको संरक्षण गर्न बनेको माओवादी कोसीका सांसद गणेश उप्रेतीले बताएका छन् । 

कोसी प्रदेशसभाको बुधबारको बैठकमा बोल्दै प्रदेश सरकारको अवस्था पनि त्यस्तै भएको भन्दै सरकारलाई समर्थन नदिने बताए । उनले भने, “विभिन्न भ्रष्टाचारका काण्ड ढाकछोप गर्न र दलाल नोकरसाहलाई संरक्षण गर्नकै लागि सरकार गठन भएको हो । यो सरकार धेरै लामो समय जानै सक्दैन ।”

प्रचण्ड नेतृत्वको सरकारले इतिहासमा हुन नसकेको बेग र क्रान्तिलाई अगाडि बढाउन थालेपछि त्यो बेगले बालकोट र बूढानीलकण्ठतिर आफ्नो रफ्तार सोझ्याउन थालेको बताए । त्यसपछि दलाल, भूमाफिया र भ्रष्टहरूले दुई पार्टीलाई मिलाएको अरोप लगाए । 

उनले भने, “भ्रष्टाचारीलाई जेलको चिसो छिँडीमा कोच्ने अभियान जारी भयो । दुई ठूला दलको नेता पनि पुग्ने भएपछि । त्यो लाचार छायाँमा प्रदेशहरू पनि बनेका हुन् ।” उनले ‘जनविरोधी केन्द्र सरकारको लाचार छायाँ बनेको यो सरकारलाई हामीले कसरी विश्वास गर्नु’ भन्दै प्रश्न गरे ।