काठमाडौं । मलेसिया प्रहरीले २० वटा इस्लामिक कल्याणकारी गृहमा छापा मारेर ४०२ बालबालिकाको उद्धार गरेको छ । जसमा एकदेखि १७ वर्ष उमेर समूहका २०१ बालक र २०१ बालिका छन् ।

समाचार एजेन्सी एपीकाअनुसार, मलेसिया प्रहरीले उद्धार गरिएका बालबालिकामाथि यौन शोषण हुने गरेको दाबी गरेको छ ।

यी कल्याणकारी गृहहरू ग्लोबल इख्वान सर्भिस एन्ड बिजनेस होल्डिङ्स नामक इस्लामिक व्यापारिक समूहका हुन् ।

प्रहरी महानिरीक्षक रजाउद्दीन हुसैनले यसमा संलग्न १०५ महिलासहित १७१ संदिग्ध पक्राउ परेका छन् । पक्राउ पर्नेमा धार्मिक गुरु र कर्मचारी छन् । उनीहरू बालबालिकाको शिक्षा र हेरचाहको जिम्मेवारीमा थिए ।

कल्याणकारी गृहमा रहेका बालबालिका बिरामी पर्दासमेत उपचार नगरिएको पाइएको प्रहरीले जनाएको छ । उनीहरूको अवस्था गम्भीर भएपछि मात्रै अस्पताल लग्ने गरिन्थ्यो । पाँच वर्ष मुनिका बालबालिकालाई गल्ती गरेको भन्दै तातो चम्चाले खुवाउने गरेको पाइएको प्रहरीले बताएको छ ।

मलेसिया सिटी पोस्ट वेबसाइटका अनुसार, ग्लोबल इख्वान ग्रुप किराना, बेकरी, रेस्टुरेन्ट, पोल्ट्री फार्म, ट्राभललगायत धेरै व्यवसायमा संलग्न छ । ग्लोबल इख्वानको चीन, बेलायत, यूएईलगायत २० देशमा शाखा छन् । जसमा पाँच हजारभन्दा बढी कर्मचारी काम गर्छन् ।

फक्स३१बाट ।