काठमाडौं । देशका केही सानाठूला नदीमा सोमबार पानीको बहाव उल्लेख्य बढ्ने सम्भावना छ ।

आज रातिदेखि कोसी, नारायणी र यसका केही प्रमुख सहायक नदीहरूको जलसतह उल्लेख्य बढ्ने अनुमान छ । कन्काई, कमला नदीको जलसतह पनि उल्लेख्य बढ्ने र भोलि सतर्कता तह आसपास पुग्न सक्ने बाढी पूर्वानुमान महाशाखाले जनाएको छ ।

नदीतटीय क्षेत्रका क्रियाकलापमा उच्च सतर्कता अपनाउन महाशाखाले सचेत गराएको छ ।

“आज इलाम, झापा, पाँचथर, ताप्लेजुङ, संखुवासभा, रामेछाप, दोलखा, सिन्धुपाल्चोक, उदयपुर, सिन्धुली, मकवानपुर र आसपासका जिल्ला भई बहने केही स–साना नदीहरूमा बहाव बढ्ने तथा केही स–साना नदीमा आकस्मिक बहावको मध्यम जोखिम रहने पूर्वानुमान रहेकोले नदीतटीय क्षेत्रमा उच्च सतर्कता अपनाउनुहन अनुरोध छ,” महाशाखाले सोमबार बिहान जारी गरेको बाढी पूर्वानुमान बुलेटिनमा उल्लेख छ ।