वाग्मती । हेटौँडा उपमहानगरपालिका–१५ रातोमाटेबाट ५१ किलो ५०० ग्राम गाँजासहित तीनजना पक्राउ परेका छन् । 

जिल्ला प्रहरी कार्यालयका प्रवक्ता लक्ष्मी भण्डारीका अनुसार हेटौँडाबाट पथलैयातर्फ जाँदै गरेको प्रदेश ०३–००१ च २११६ नम्बरको गाडी जाँच गर्दा ३३ किलो गाँजासहित चालक हेटौँडा उपमहानगरपालिका–५ का ३४ वर्षीय विनोद सेवा र सोही पालिका–१३ का ३५ वर्षीया सुनिता तामाङ पक्राउ परेका हुन् । 

प्रहरी चौकी रातोमाटेबाट खटिएको टोलीले सोही स्थानबाट १८ किलो ५०० ग्राम गाँजासहित बीआर ०५ पिबी ७३६४ नम्बरको अटो चालक भारत बेतिया जिल्ला थाना मझौलियाका ३० वर्षीय मुसादेव आलमलाई पक्राउ गरेको छ । रासस