![ओनाना एस्टोन भिल्लामा अनुबन्धित](https://12khari.top/uploads/posts/qefasdg-1721720058.jpg)
काठमाडौं । इंग्लिस क्लब एस्टोन भिल्लाले मिडफिल्डर अमाडोउ ओनानालाई एभर्टनबाट ५० मिलियन पाउन्डमा अनुबन्ध गरेको छ ।
२२ वर्षीय युवा मिडफिल्डर ओनानाले युरो–२०२४ मा बेल्जियमबाट सबै खेलमा मौका पाएका थिए । अब उनले एभर्टनबाट च्याम्पियन्स लिगमा प्रतिनिधित्व गर्नेछन् ।
ओनाना सन् २०२२ मा लिलबाट एभर्टनमा अनुबन्ध भएका थिए । उनले एभर्टनबाट ७२ खेल खेल्दा चार गोल गरेका छन् ।
गएको जुनमा मिडफिल्डर डग्लास लुइजलाई युभेन्ट्सले ४२ मिलियन पाउन्डमा अनुबन्ध गरेको थियो । त्यसपछि भिल्लाका प्रशिक्षक युनाई इमेरी नयाँ मिडफिल्डरको खोजीमा थिए ।
“म फेरि च्याम्पियन्स लिग खेल्नेछु र यो निकै उत्साहित कुरा हो,” भिल्लामा अनुबन्ध भएपछि ओनानाले भने, “क्लबमा विश्वकै उत्कृष्टमध्येका एक प्रशिक्षक पनि छन् र मलाई लाग्छ, उनले क्लबको फुटबललाई उच्चस्तरमा लैजान सक्छन् ।”