काठमाडौं । एनएमबि बैंकले ८.९९ प्रतिशत  निश्चित ब्याजदरमा विद्युतीय सवारीसाधन खरिद गर्न सात वर्ष अवधिका लागि ऋण उपलब्ध गराउने भएको छ ।

नेपालमा विद्युतीय सवारीसाधनको प्रयोगलाई प्रवर्धन गर्ने र दिगो भविष्यलाई समर्थन गर्ने उद्देश्यका साथ विद्युतीय गाडी सेग्मेन्टमा कम ब्याजदरमै ऋण उपलब्ध गराइने बैंकले जनाएको छ ।

ग्राहकहरूले अब सजिलै आफ्नो विद्युतीय सवारी साधन फाइनान्स गरी दिगो भविष्यतर्फ योगदान दिन सक्ने बैंकले जानकारी दिएको छ । लचिलो भुक्तानी विकल्पहरू र द्रूत स्वीकृति प्रक्रियासहित ग्राहकहरूले सजिलै एनएमबि सुलभ अटो लोन लिन सक्नेछन् ।

एनएमबि बैंकले देशभरि २०१ शाखा कार्यालय, १८७ एटीएम र ११ एक्सटेन्सन काउन्टरमार्फत सेवा दिँदै आएको छ ।