काठमाडौं । केही नदी तथा खोलामा आज बाढीको उच्च जोखिम रहेको छ । मधेस, कोसी अन्य केही प्रदेशमा भारी वर्षाको सम्भावना रहेकाले बाढीको उच्च जोखिम भएको हो । 

इलाम, झापा, ताप्लेजुङ, पाँचथर, मोरङ, सुनसरी, तेह्रथुम, उदयपुर, सप्तरी, सिरहा, धनुषा, महोत्तरी, सर्लाही, रौतहटका नदी तथा खोलामा आकास्मिक बाढीको उच्च जोखिम छ । 

मकवानपुर, सिन्धुली, काभ्रेपलाञ्चोक, ललितपुर, भक्तपुर, काठमाडौं, सिन्धुपाल्चोक, दोलखा, गोरखा, तनहुँका नदी तथा खोलामा पनि बाढीको जोखिम छ । 

लम्जुङ, कास्की, पर्वत, म्याग्दी, नवलपरासी, कपिलवस्तु, रुपन्देही र आसपासका जिल्ला भएर बग्ने अधिकांश स–साना नदी तथा खोलामा बहाव बढ्ने तथा आकस्मिक बाढीको मध्यम जोखिमको पूर्वानुमान रहेको जल तथा मौसम विज्ञान विभागले जनाएको छ । त्यसैले उच्च सावधानी अपनाउन विभागको आग्रह छ । 

आज तमोरका साथै कमला नदी र भोलि कन्काई नदीले सतर्कता तह पार गर्ने पूर्वानुमान रहेकाले नदी तटीय क्षेत्रमा अति उच्च सतर्कता अपनाउन विभागले सचेत गराएको छ ।