देश
![विराटनगरमा एक युवकको हत्या, दुईजना घाइते](https://12khari.top/uploads/posts/mirtyubp11613461216.jpg)
विराटनगर । मोरङको विराटनगरस्थित नेपाल टेलिकमको कार्यालयनजिक एक युवकको हत्या गरिएको छ । सोमबार रातिको उक्त घटनामा दुईजना घाइते छन् ।
मोरङको कटहरी गाउँपालिका–१, जमटोकीका २१ वर्षीय करण कामतको मृत्यु भएको जिल्ला प्रहरी कार्यालयले जनाएको छ ।
घटनामा तीनजना घाइते भएका थिए । तीनमध्ये कोसी अस्पतालमा उपचारका क्रममा कामतको मृत्यु भएको मोरङका प्रहरी प्रमुख एवं एसपी नवराज कार्कीले जानकारी दिए ।
मृतकको छाती र कम्मरमा धारिलो हतियारले रोपेजस्तो चोट देखिएको प्रहरीले जनाएको छ ।
कटहरीका २२ वर्षीय विक्रम मण्डल र १७ वर्षीय अमन राय घाइते छन् । उनीहरूमाथि धारिलो हतियार प्रहार गरिएको देखिएको प्रहरीले जनाएको छ । घटनाबारे अनुसन्धान थालिएको एसपी कार्कीले बताए ।
प्रकाशित मिति: मंगलबार, असार २५, २०८१ ११:०७
प्रतिक्रिया दिनुहोस्