काठमाडौं । कैलालीमा कर्णाली नदीको जलसतह सतर्कता तह पार भएको छ । आइतबार साँझ कर्णाली नदी चिसापानी जलमापन केन्द्रमा सतर्कता तह पार भएको जल तथा मौसम विज्ञान विभागले जनाएको छ ।

उक्त स्थानमा जलसतह बढ्दो क्रममा रहेको भन्दै विभागले कैलाली र बर्दियामा भोलि बिहानसम्म सतर्कता अपनाउन सचेत गराएको छ ।

“असार २३, साँझ ०६ः५० बजे । कर्णाली नदी चिसापानी जलमापन केन्द्रमा हाल जलसतह (१०मि) सतर्कता तह पार गरेको र बढ्दो क्रममा रहेकोले कैलाली र बर्दियाको नदीतटीय क्षेत्रमा रहनुहुनेहरूले भोलि बिहानसम्म सतर्कता अपनाइराखौँ,” विभागको सूचनामा उल्लेख छ ।

#SMS#FloodAlert
असार २३, साँझ ०६:५० बजे#कर्णाली नदी चिसापानी जलमापन केन्द्रमा हाल जलसतह (१०मि) सतर्कता तह पार गरेको र बढ्दो क्रममा रहेकोले #कैलाली र #बर्दियाको नदी तटीय क्षेत्रमा रहनुहुनेहरूले भोली बिहान सम्म सतर्कता अपनाईराखौँ ।
जल तथा मौसम विज्ञान विभाग@NDRRMA_Nepalpic.twitter.com/16AxDweo4S

— Nepal Flood Alert! नेपाल बाढी सूचना! (@DHM_FloodEWS) July 7, 2024

विभागले यसअघि बर्दियामा बबई नदीको जलसतह सतर्कता तह पार भएको जानकारी गराएको थियो ।