![एनआईसी एसिया बैंकले सुरु गर्यो मास्टरकार्ड इसुएन्स सेवा](https://12khari.top/uploads/posts/NIC-Asia-1719765483.jpg)
कठमाडौं । एनआईसी एसिया बैंकले भुक्तानी प्रणालीलाई थप सशक्त बनाउन मास्टरकार्ड इसुएसन्स सेवा सुरु गरेको छ । आइतबार पोखरामा एक कार्यक्रमको आयोजना गर्दै कम्पनीले कार्ड इसुएन्स (जारी गर्ने) सेवा सुरु गरेको हो ।
डेबिट कार्डको रूपमा प्रयोग गर्न सकिने मास्टरकार्ड बैंकका सबै शाखा कार्यालयबाट प्राप्त गर्न सकिने बैंकले जनाएको छ ।
कार्डमा सुरक्षा प्रविधि (ईएमडब्लू चिप) तथा अत्याधुनिक कन्ट्याक्टल्यास प्रविधिसमेत प्रयोग गरिएको बैंकको भनाइ छ ।
कार्डबाट ग्राहकले नेपाल, भारत र भुटानबाट एटीएमबाट पैसा झिक्न सक्नेछन् । साथै पीओएस तथा ई–कमर्स वेबसाइटमा भुक्तानीसमेत गर्न सक्ने बैंकले जनाएको छ ।
![Global Ime bank](https://baahrakhari.com/uploads/bigyaapan/30885600.gif)
‘डिजिटल फस्ट’बैंकको रूपमा आफूलाई स्थापित गर्न लागिरहेको दाबी गर्दै विश्वको चर्चित मास्टरकार्डसँगको सहकार्यले नेपालको बैंकिङ क्षेत्र विशेष योगदान हुने कम्पनीको विश्वास छ ।
एनआईसी एसिया बैंकले यसअघि भिसा कार्डबाट सेवा प्रदान गर्दै आएको थियो ।