काठमाडौं । नेपाल–भारत खुला सिमा संवाद समूह पर्साको आयोजनामा भएको कार्यक्रममा दुई देशको सम्बन्ध दिल्ली काठमाडौंको नियम कानुनले मात्र चल्न नसक्ने बताइएको छ । 

दुई देशको सम्बन्ध बहुआयामिक भएको भन्दै खुल्ला सिमा दुवै देशका लागि अवसर भएको सहभागीहरूले बताएका छन् । कार्यक्रममा बोल्दै राष्ट्रिय मुक्ति क्रान्तिका नेता केशव झाले नेपाल र भारतको आधुनिक सिमा र नाम राखिनुअघिदेखि नै जनता–जनताबीच सम्बन्ध कायम रहेको उल्लेख गरे ।

खुला सिमा सुमधुर सम्बन्धको सेतु नाम दिएर आयोजना गरिएको कार्यक्रममा नेपाल भारतका अगुवाहरूको उपस्थिति थियो ।