काठमाडौं । अर्थमन्त्री वर्षमान पुनले आगामी वर्षको मौद्रिक नीति केही खुकुला गरेर जानेबारे छलफल भइरहेको बताएका छन् । सोमबार प्रतिनिधिसभाको बैठकमा सांसदहरूले उठाएका प्रश्नको जवाफ दिँदै मन्त्री पुनले मौद्रिक नीतिको विषयमा राष्ट्र बैंकसँग छलफल भइरहेको बताएका हुन् ।

“मौद्रिक नीति हामी केही खुकुलो बनाएर जाने तयारीहरू छ,” उनले भने, “खासगरी सेयर बजारसँग सम्बन्धित, घरजग्गासम्बन्धी तथा अरू केही सेक्टरहरू विगतमा अर्थतन्त्र अलिकति केही स्लाेडाउन हुँदा र सुस्तता हुँदा लिएका कडाइ नीति लिनै पर्थ्याे, ती नीतिहरूलाई विस्तारै खुकुलो गर्दै गएको छ । आगामी मौद्रिक नीति खुकुलो आउँछ ।”

आगामी मौद्रिक नीतिले समग्र सेयर बजार उत्साहित हुने पनि उनले बताए । मौद्रिक नीतिकै कारण सेयर बजार लयमा फर्कने पनि उनले बताए ।